БИШКЕК, 2-июл. — Sputnik. Үйдүн ичин кооз кылып жашылдандыруу үчүн гүл өстүрүүнү каалап, бирок аны кантип өстүрүүнү билбей жаткандарга Россиядагы флористтер бирикмесинин президенти Валентина Сафронова кеңеш берди. Аны менен Sputnik радиосу маектешкен.
Анын айтымында, оңой өстүрө турчу гүлдөрдүн катарына сансевиерия кирет. Ага кайсы бир убакта суу куйбай койсо деле жашай берет.
"Сансевиерия эң чыдамдуу гүл деп аталат. Ал катаал шарттарда деле өсүп кетет. Тамашалап айтканда, эмгек өргүүгө беймарал кетсеңиз болот. Бул гүлдү жөнөкөй тил менен чортон балыктын куйругу деп коюшат, себеби жалбырактары ошого окшошуп кетет", — деген флорист.
Ал белгилегендей, гүлдүн өсүшү үйдүн кайсы жеринде турушуна да байланыштуу болот. Күндүн жылуулугу жетпей калгандар жакшы өспөй калары белгилүү.
Фермер 400 килограммдык ашкабак өстүрүп, андан кайык жасады. Видео
Ошондой эле сатып алган гүлдү кайрадан башка челекке отургузуу маанилүү экендигин белгилеген.
"Гүлдөрдүн көбү "транспорттук топурак" менен келет. Анын курамында чым көң менен майда чөптөр (мох) болот. Аны үйгө алып келгенде башка идишке жана топуракка көчүрүү керек. Дүкөндөрдө ар бир өсүмдүктүн өзүнүн топурагы болот. Маселен, лимон сатып алсаңыз, ага цитрус жемиштерине ылайыкталган топуракты алыңыз", — деген адис.
Флорист жалкоолонуп жаткандарга же үйүндө шарты начарларга жасалма гүлдөрдү деле коюп алууну сунуштаган. Ал мындай жол менен бөлмөгө кооздук берүүдөн тартынуунун кажети жок экендигин белгилеген.