БИШКЕК, 27-июн. — Sputnik. Кыргызстанда акыркы суткада коронавирус жуктуруп алган дагы үч бейтап каза болду. Бул тууралуу саламаттык сактоо министринин орун басары Мадамин Каратаев брифинг учурунда билдирди.
Кыргызстанда дагы 309 кишиден коронавирус чыкты
Анын айтымында, өлкөдө коронавирус илештирип алып көз жумгандардын саны 46га жетти.
"Каза болгон жарандын бири Ош облустук ооруканасынан үзүлдү. Ал 51 жашта экени маалым болду. Экинчиси 76 жаштагы киши Жалал-Абад облусундагы ооруканада көз жумган, дагы бири Аксы райондук ооруканада дарыланып жаткан. Ал 74 жашта болчу", — деди Каратаев.
Кыргызстанда акыркы суткада 309 кишиден коронавирус чыгып, жалпы саны 4 513кө жетти. Анын ичинен 2 212 бейтап айыкты.