БИШКЕК, 27-июн. — Sputnik. Бир сутка ичинде өлкө боюнча 43 медицина кызматкери коронавирус жуктуруп алганы аныкталды. Бул тууралуу саламаттык сактоо министринин орун басары Мадамин Каратаев брифинг учурунда билдирди.
Акыркы суткада коронавирус жуктуруп алган медиктер:
- Бишкек шаары — 19;
- Чүй облусу — 7;
- Ош шаары — 7;
- Ош облусу — 3;
- Нарын облусу — 2;
- Баткен облусунда — 1;
- Ысык-Көл облусунда — 4.
Кыргызстанда коронавирус жуктуруп алган 41 медик 200 миң сомдон алат
Ошол эле учурда бир суткада 11 медицина кызматкери ооруканалардан айыгып чыккан.
Жалпысынан өлкөдө COVID-19 диагнозу менен медиктердин арасынан 712 учур катталды. Анын ичинен 414 ак халатчан айыгып, айрымдары жумушка чыккан.