БИШКЕК, 26-июн. — Sputnik. Россияда 1-июлдан тарта айдоочулар үчүн бир катар жаңы эрежелер күчүнө кирет. Бул туурасында Autonews порталы жазды.
Ага ылайык, оң рулдуу самосвал, курулуш техникаларын, кичи автобустарды, краны бар жүк ташуучу унааларды жана автобустарды Россиянын аймагына алып кирүүгө тыюу салынат.
Ошону менен катар автоунаага газбаллонду, алдына жана артына машина сүйрөөгө ылайыкталган жабдууларды (лебедка, фаркоп) жана багажникти атайын лабораториянын текшерүүсүнөн кийин гана орнотууга уруксат берилет.
Кыргызстанда автону ортомчу аркылуу каттатууга тыюу салынды
Мындан сырткары, 1-июлдан тарта айдоочулук күбөлүк алуу жана мөөнөтүн узартуу үчүн медициналык маалым кат алуунун шарты дагы өзгөрөт. Эгер анализ тапшырган адамдан наркологдор алкоголдук ичимдиктин же баңгизаттын белгилерин аныктаса, кошумча анализ тапшырууга милдеттендирип, канын же заарасын лабораториялык изилдөөдөн өткөрөт.