БИШКЕК, 26-июн. — Sputnik. Кыргызстанда коронавирус жуктургандардын көбү Бишкек шаарында. Акыркы суткада аныкталган 250 жаңы учурдун 105и борбор калаадан чыкты. Бул тууралуу саламаттык сактоо министринин орун басары Мадамин Каратаев брифинг учурунда маалымдады.
Анын айтымында, өлкөдө коронавирус илештирип алгандардын жалпы саны 4 204кө жетти.
Аймактар боюнча COVID-19 жуктургандардын саны:
- Бишкек шаары — 1 552;
- Чүй облусу — 587;
- Ош шаары — 500;
- Ош облусу — 429;
- Нарын облусу — 464;
- Жалал-Абад облусу — 269;
- Ысык-Көл облусу — 76;
- Баткен облусу — 48;
- Талас облусу — 39.
Мындан сырткары, Соль-Илецк шаарынан келгендердин ичинен 119 адамдан коронавирус табылса, Россиядан кайткан 100 курсант бул илдет менен алышкан. Россиядан алып келинген башка кыргыз жарандарынын ичинен 21 адам дагы коронавирус жугузганы аныкталган.
Тумоолоп жаткандын баарыныкы коронавирус! Бишкек бийлиги элге кайрылды
Өлкөдө айыккандардын саны 2 162ге жетип, 43 адам коронавирус жуктуруп алып каза тапты.
Штаб өзгөчө абал режимин талкуулап, чечим кабыл алды
Кыргызстанда болуп жаткан окуялар жана акыркы маалыматтар менен Telegram каналыбыздан таанышып туруңуздар.