БИШКЕК, 24-июн. — Sputnik. Интернетте Кыргызстан жана спортчу Айсулуу Тыныбекованын 2019-жылы кантип күрөш боюнча дүйнө чемпиону болгондугу тууралуу видео тарады. Аны UWW (Бириккен күрөш дүйнөсү) уюму Instagram тармагындагы расмий баракчасына жарыялаган.
"Кыргызстанга келсеңер, кызыктуу нерселерди табасыңар. Мында боорукер, акыл-эстүү жана максатына берилген адамдар жашайт. Балдар кичине кезинен баштап күрөш эр жүрөк жана кайраттуулардын спорту экенин билет", — деп айтылат видеонун башында.
Тыныбекова кыз-келиндер арасында күрөш боюнча дүйнө чемпиону боло алган биринчи кыргызстандык. Финалдык таймашта ал ошол убактагы чемпион, болгариялык спортчу Тайбе Юсейн менен ат салышкан. Мелдеш 5:3 эсеби менен аяктаган.
Кийин Айсулуу бул жеңишин Кыргызстанга арнаганын айткан.