БИШКЕК, 23-июн. — Sputnik. Россия президенти Владимир Путин эпидемиянын эң кооптуу убагынан чыдамкайлык менен өткөн россиялыктарга ыраазычылык билдирди.
РФ лидери бүгүн элге кайрылуу жасады. Анын маалымат жыйыны түз эфирден көрсөтүлдү.
"Урматтуу достор, ден соолугуңуздарга жана жакын адамдардын коопсуздугу үчүн жоопкерчиликтүү мамиле кылганыңыздарга, колдоо көрсөткөнүңүздөргө ыраазычылык айтам. Россиянын жараны катары эпидемиянын эң коркунучтуу баскычын баштан татыктуу кечиргениңиздер үчүн чын жүрөктөн ыраазымын", — деген Путин.
Ошондой эле ал бейтаптардын өмүрү үчүн күнү-түнү күрөшкөн ак халатчандарга таазим эткен.