БИШКЕК, 23-июн. — Sputnik. Учурда өлкө боюнча стационарларда коронавируска чалдыккан 607 киши жатканын саламаттык сактоо министринин орун басары Мадамин Каратаев брифинг учурунда билдирди.
Анын айтымында, вирус жуктурган 45 кишинин абалы оор, анын 10у жандандыруу бөлүмүндө жатат.
Ошондой эле 174 адамдын абалы орточо, 388 кишинин ден соолугу канааттандырарлык деп бааланууда. 817 адамдын оорусу симптомсуз өтүп, үйдөн дарыланууда.
Белгилей кетсек, кечээ 36 бейтаптын гана абалы оор болчу.
Кыргызстанда коронавирус жуктуруп алгандардын саны 3 519га жетти. Анын ичинен 2 054 бейтап айыгып чыгып, 41 киши каза тапты.