БИШКЕК, 23-июн. — Sputnik. Борбор калаанын Биринчи май райондук сотунун чыгарган өкүмүнүн негизинде мурдагы президент Алмазбек Атамбаев мамлекеттик сыйлыктарынан ажыратылып, мүлкү мамлекеттин эсебине конфискацияланат.
Эске салсак, сот бүгүн Атамбаевди криминалдык төбөл Азиз Батукаевдин мыйзамсыз бошотулган иш боюнча күнөөлүү деп таап, 11 жыл 2 айга эркинен ажыратты.
Сот Атамбаевди төмөнкү мамлекеттик сыйлыктарынан ажыратуу чечимин кабыл алды:
- II даражадагы "Манас" ордени (2011-жылдын 30-ноябрында мамлекет башчынын Жарлыгы менен сыйланган);
- "Данакер" ордени (2017-жылы 27-ноябрда сыйланган);
- "Даңк" медалы (1999-жылдын 22-апрелинде сыйланган);
- атайын сааттар (2011-жылдын 29-ноябрында алган).
Мындан сырткары, Алмазбек Атамбаевдин төмөнкү автоунаалары конфискацияланды:
- Toyota Land Cruiser 200 автоунаасы. 2000-жылы чыккан;
- Mitsubishi Pajero автоунаасы, 1997-жылы чыккан;
- Toyota Land Cruiser 200 автоунаасы, 1998-жылы чыккан;
- MAN автоунаасы, 1993-жылы чыккан;
- BMW X-53 автоунаасы, 2011-жылы чыккан;
- Аламүдүн районунун Кой-Таш айылындагы эки жер тилкеси;
- Ысык-Көл облусунда курорттук аймактагы жер тилкеси;
- Аламүдүн районундагы Арашан айылындагы жайыт;
- Аламүдүн районундагы Арашан айылындагы жер тилеси;
- Кой-Таш айылындагы көп жылдык бак тигилген аймак;
- Кой-Таш айылындагы ден соолукту чыңдоочу жай;
- Арашан айылындагы турак жай;
- Арашан айылындагы көп жылдык бак тигилген аймак;
- "Медиа Форум" ачык акционердик коому;
- Бишкек шаарынын 7-апрель көчөсүндөгү эки жер тилкеси;
- Бишкек шаарынын 7-апрель көчөсүндөгү имарат;
- "Форум" илимий-өндүрүштүк фирмасы" ачык акционердик коому;
- Чолпон-Ата шаарындагы бүтө элек эки объекти;
- Ысык-Көл районундагы эки жер тилкеси;
- "Апрель ТВ" ЖЧКсы;
- "Апрель" ЖЧКсы;
- "Канал Ди" ЖЧКсы;
- "Кыргызавтомаш" ишканалар ассоциациясы;
- акциялар, банк ячейкалары, Кыргызстандын бардык аймактарында ачылган эсептер.