БИШКЕК, 23-июн. — Sputnik. Кыргызстандын Акыйкатчы институтунун бөлүм башчыларынын бири коронавируска кабылды. Бул тууралуу мекеменин маалымат кызматы бүгүн билдирди.
"Учурда ал кызматкер обочолонгон. Институтта санитардык-гигиеналык жана коопсуздук эрежелерди сактоо менен жумуш толук кандуу жүрүп жатат. Бир катар кызматкерлер аралыктан иштеп жатышат. Аппарат кызматкерлери нөөмөт менен иштешүүдө", — деп айтылат маалыматта.
Акыйкатчы институту арыздануучулар 115 телефону аркылуу чалып кайрылса болорун эскертет.
Маалыматта түнкүсүн чалууларды атайын программа кабыл алып, жаздырып, эртеси күнү жообу берилери айтылат.