БИШКЕК, 19-июн. — Sputnik. Түркиялык белгилүү Hurriyet гезити Украинанын президенти Владимир Зеленскийдин жубайынын ордуна ырчы жана актриса Вера Брежневанын сүрөтүн коюп койгон.
Басылма Украинанын президенти жана канайымы тууралуу макала даярдаган. Анда президенттин жубайы Елена Зеленская коронавируска чалдыкканы айтылат.
Бирок сүрөттө Зеленский өз жубайы менен эмес, "Восемь лучших свиданий" тасмасында үй-бүлөнүн ролун аткарган Вера Брежнева экөөнүн сүрөтүн жайгаштырышкан.
Эске салсак, Владимир Зеленскийдин жубайы Елена Зеленская коронавирус жуктуруп алганы өткөн аптада белгилүү болгон. Президент учурда жарым-жартылай аралыктан иштеп жаткан кези.
Hürriyet — Түркиядагы Doğan Yayın Holding компаниясынын курамына кирген күн сайын чыкчу ири басылмалардын бири. Былтыр анын нускасы 300 миңден ашкан.