ОШ, 18-июн. – Sputnik. Жалал-Абаддын Сузак районунун аймагындагы Топурак-Бел ашуусунда Mersedes-Benz үлгүсүндөгү жүк ташуучу автоунаа өрттөнүп кетти. Бул туурасында ӨКМдин Сузак райондук бөлүмүнөн Sputnik Кыргызстан агенттигине билдиришти.
Өрттүн видеосун "Короче" Telegram каналына жарыяланды.
Маалыматка ылайык, окуя 17-июнь күнү саат 11:30дар чамасында Бишкек — Ош жолунун 553-чакырымында болгон.
Өрттүн кесепетинен жүк ташуучу автоунаанын мотору, кабинасы, алдынкы эки дөңгөлөгү күйгөн. Кырсыктан эч ким жабыр тарткан эмес.
Кырсык электр зымдарынын бири-бирине тийишип кетишинен чыккан.