БИШКЕК, 16-июн. — Sputnik. Шаршемби күнү, 17-июнда, күндүз кээ бир райондордо жаан жаап, күн күркүрөшү, бийик тоолуу райондордо кар жаашы мүмкүн. Бул тууралуу Кыргызгидромет маалымдады.
Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.
Абанын температурасы Чүй, Талас аймактарында +22...+27, Ош, Жалал-Абад, Баткен облустарында +30...+35, Ысык-Көл менен Нарын жергесинде +19...+24 градус болот.
Бишкек шаарында күн күркүрөп, жамгыр жаайт, Ошто күн ачык болот. Күндүн табы борбор калаада +25...+27, Ошто +33...+35 градуска көтөрүлөт.