БИШКЕК, 14-июн. — Sputnik. Коронавирус жуктуруп алгандар, же башкача айтканда, симптомдору билинбегендер көбүнчө өпкөсү жыйрылып жана бөйрөгүнүн иштеши бузулуп жатканын байкашпайт. Бул тууралуу РИА Новостиге Жордж Мейсон университетинин (АКШ) профессору, биология илимдеринин доктору Анна Баранова айтып берген.
"Оорунун белгилери жок адамдар көбүнчө жаштар, алар ооруканага барбайт. Бирок дарыгерге башка себептер менен баш багып калганда, маселен, уйку безин компьютердик томография аркылуу текшертип жатып, өпкөсү жабыркаганын көрөт. Эгер анын көлөмү кичирейип калган болсо, бул коронавирустан кабар берет", — деген Баранова.
Дарыгер белгилегендей, COVID-19 менен ооруган адам бөйрөгүнүн иштеши начарлап кеткенин да байкабай жүрүшү мүмкүн. Ал көбүнчө канга анализ тапшырганда билинет.
Профессор коронавирус жаштардан сырткары кош бойлууларда билинбей өтө турганын кошумчалаган. Бирок адис боюнда барларга оорунун симптомдорун текшерүү менен алектенбей эле коюуга чакырган. Себеби ден соолукка кооптуу процедуралар болушу ыктымал. Ошондуктан адамдар менен байланышты гана азайтууну сунуштаган.