БИШКЕК, 14-июн. — Sputnik. Казакстандын саламаттык сактоо министри Елжан Биртанов өзүнүн коронавирус жуктуруп алганын кабарлады. Бул тууралуу Sputnik Казакстан агенттиги жазды.
"Достор, акыркы ирет тапшырган анализде коронавирус жуктуруп алганым аныкталды. Тилекке каршы, бул белгиси көп билинбей турган формасы эмес экен. Андыктан жугуштуу оорулар госпиталында жатууга мажбур болдум", — деди Биртанов.
Ошондой эле санитардык эрежелерди канчалык карманганына карабай вирусту жуктуруп алганын кошумчалаган.
Белгилей кетсек, акыркы маалыматтарга караганда, коңшу өлкөдө коронавируска кабылгандардын саны 14 миңден ашты. Алардын ичинен 73ү каза болду.