БИШКЕК, 13-июн. — Sputnik. Борбор калаанын чок ортосунда кичи автобус оодарылып кетти. Кырсыктын видеосу "Короче" Telegram каналына жарыяланды.
Жол кырсыгы бүгүн эртең мененки саат 8:00дө Абдрахманов жана Фрунзе көчөлөрүнүн кесилишинде катталган. Видеодон көрүнүп тургандай, кичи автобус Mazda Demio үлгүсүндөгү жеңил автоунаа менен кагышкан.
Жол кырсыгы боюнча фактыны милициядан тастыкташты. Учурда тергөө жүрүп жатат.