Артисттер бири-бири менен интернет аркылуу байланышса, көрүүчүлөр да аралыкта болду. Тагыраагы, телеканалдар жана социалдык тармактан байкоо салып турушту.
Иш-чараны маданият, маалымат жана туризм министри Азамат Жаманкулов менен Россиянын Кыргызстандагы элчиси Николай Удовиченко ачты.
Анда 20га чукул артисттер, КР жана РФтин беш ансамбли өз өнөрлөрүн тартуулады. Номерлердин көбү элди кайдыгер калтырган жок. Маселен, "Подмосковные вечера" чыгармасы комуздун коштоосунда аткарылды.
Кыргыз-Россия эриш-аркак жылында баш-аягы 200гө чукул иш-чараны өткөрүү пландалып, бирок пандемиядан улам кийинки мөөнөткө жылдырылган. Алардын бир катары бүгүнкү сымал онлайн-форматта өтүүдө.