БИШКЕК, 11-июн. — Sputnik. Чүй облусуна караштуу Аламүдүн районундагы Төмөнкү Ала-Арча аймагында жеңил автоунаа каналдагы сууга түшүп кеткен.
Кырсыктын видеосу "Короче" Тelegram каналына жарыяланды.
Видеодон сары түстөгү жеңил автоунаа сууга түшүп кеткенин көрүүгө болот. Ал эми жолдун четинде кырсыктан жабыркаган дагы бир автокөлүк турат.
Милиция маалыматты тастыктап, Төмөнкү Ала-Арча конушундагы Киргизская көчөсүндө жол кырсыгы катталганын айтты. Жерине тергөөчү, укук коргоо органдары чыгып кеткенин, толугураак маалымат кийинчерээк берилерин кошумчалады.