Кош, Бопуш... Марат Жантелиевдин сүрөттө калган ирмемдери

Марат Жантелиев 1961-жылы 3-мартта Нарын облусуна караштуу Кара-Кужур өрөөнүнүн Лахол айылында туулган. Анын ата-энеси медицина тармагында эмгектенип, атасы айылдагы күчтүү дарыгерлердин бири болгон. Болочоктогу актер элеттеги орто мектепти аяктагандан кийин эле үйдөгүлөрдүн каршылыгына карабай Москвадагы Бүткүл союздук кинематографисттер институтуна (ВГИК) тапшырып өтүп кетип, ал ЖОЖду артыкчылык менен бүтүргөн.

Өмүрүн киного арнаган Геннадий Базаров 78 жашка толду. Сүрөттөгү ирмемдери

14 Бугу 2020, 19:09

Кинодо белгилүү режиссер Төлөмүш Океевдин "Ак илбирстин тукуму" тасмасында тушоосу кесилген. Жантелиев анда Саяк аттуу оорулуу баланын образын жараткан. Андан соң бир катар тасмаларга катышып жылдызы жана баштаган.

Өзүн театрда сынап көрүү максатында Бакен Кыдыкеева атындагы жаш көрүүчүлөр театрына 1992-жылы кирип, 20 жылдан ашык иштеген.

КРдин эмгек сиңирген артисти өзүнүн эмгек жолунда театр менен кинону бирге алып жүргөн. Сахнада Бопуш деген ылакап ат менен таанылса, тасмада селсаяк (бомж), Каке, Саякбай болуп бир топ тасманын көркүн ачкан.

Жантелиев 2020-жылдын февраль айынан бери дарыланып жүргөн. Ага жабышкан дарт актердун өмүрүн 9-июнда алып тынып, сөөгү "Ала-Арча" көрүстөнүнө коюлду.

1 / 12

Марат Жантелиев Москвадагы Бүткүл союздук кинематографисттер институтун артыкчылык менен аяктаган

2 / 12

Жаш актердун Үсөнжан Ибрагимовдун фильмине тартылып жаткан учуру

3 / 12

Марат Жантелиев кесиптештери жана улуу муундун өкүлдөрү менен, 1984-жыл

4 / 12

КРдин эмгек сиңирген артисти "Саякбай" тасмасында алп манасчы Каралаевдин образын жараткан

5 / 12

Актер 22 жашында режиссер Төлөмүш Океевдин "Ак илбирстин тукуму" киносунда оорулуу бала – Саяктын ролун ийине жеткире ойногон

6 / 12

Жаш актер Кыргыз ССРинин эл артисти Алиман Жангорозова менен

7 / 12

Мамлекеттик сыйлык тапшыруу учуру. Президент Сооронбай Жээнбеков менен түшкөн сүрөт

8 / 12

Болочоктогу белгилүү актер ак илбирс менен алышкан Саяктын образында

9 / 12

Мамлекеттик сыйлык тапшыруу аземинде актер сахналаштары менен. Оң жагында ырчы Айбек Карымов, сол жагында актер Насретдин Дубашев

10 / 12

Актер борбор калаадагы Бакен Кыдыкеева атындагы жаш көрүүчүлөр театрында 20 жылдан ашык эмгектенген

11 / 12

Калың журтка Сакиш жана Бопуш ылакап аты менен таанылган Айнура Тургунбаева менен Марат Жантелиев

12 / 12

КРдин эмгек сиңирген артисти оорудан улам 59 жашында бул дүйнө менен кош айтышты