БИШКЕК, 9-июн. — Sputnik. Талас шаардык мэриясынын Муниципалдык менчикти башкаруу башкармалыгынын жетектөөчү адиси пара алып жаткан жеринен кармалды. Бул тууралуу УКМКнын маалымат кызматы кабарлады.
Ага ылайык, Ш.у.К аттуу 29 жаштагы адам 4-июнда Улуттук коопсуздук мамлекеттик комитетинин ыкчам издөө иш-чараларынын алкагында колго түшүрүлгөн.
Кармалган адам муниципалдык жердин ижара мөөнөтүн узартуу үчүн жеке ишкерден акча каражатын талап кылганы белгилүү болду.
Сотко чейинки өндүрүштүк материалдар КРдин Кылмыш-жаза кодексинин 326-беренеси ("Пара талап кылуу") боюнча Кылмыш жана жоруктардын бирдиктүү реестрине катталган.
Мэриянын кызматкери Талас облусттук ИИБдин убактылуу кармоочу жайына киргизилди. Учурда тергөө иштери жүрүп жатат.