БИШКЕК, 9-июн. — Sputnik. Стамбул — Бишкек чартердик каттамы менен Түркиядан Кыргызстандын 328 жараны кайтып келди. Бул тууралуу Республикалык штабдан билдиришти.
Кыргызстандыктарды "Түрк аба жолдору" авиакомпаниясы алып келди.
“Учуп келген бардык мекендештер бекитилген тартипте медициналык процедуралардан өтүү үчүн обсервацияга алынат”, - деп айтылган маалыматта.
Чет мамлекеттерде жүргөн КР жарандарын мекенине кайтарууну уюштуруу иштери улантылууда.