БИШКЕК, 9-июн. — Sputnik. Мурдагы премьер-министр Сапар Исаковду Бишкектин Биринчи май райондук соту Мамлекеттик тарых музейин реконструкциялоодогу корруциялык иштери үчүн 18 жылга эркинен ажыратты. Бул тууралуу Sputnik Кыргызстанга жактоочусу Нурбек Токтакунов билдирди.
Биринчи май райондук соту мурунку өкмөт башчынын бул аракеттеринен мамлекетке 247 миллиондон ашык сом чыгым келтирген деген чечим менен аталган сумманы төлөөгө милдеттендирди.
Исаковго күнөө Кылмыш кодексинин 319-беренеси ("Коррупция") менен тагылды.
Ал эми ушул эле музей иши боюнча президенттик аппараттын ошол кездеги Жарандык өнүгүү, дин жана этникалык саясат боюнча бөлүмүнүн мурдагы жетекчиси Мира Карыбаеваны сот 260 миң сом төлөөгө милдеттендирди. Ага Кылмыш кодексинин 32-беренесинин (“Кызмат абалынан кыянаттык менен пайдаланган”) негизинде кине тагылды.
Ал эми ушул эле музей иши боюнча президенттик аппараттын ошол кездеги Жарандык өнүгүү, дин жана этникалык саясат боюнча бөлүмүнүн мурдагы жетекчиси Мира Карыбаеваны сот 260 миң сом төлөөгө милдеттендирди. Ага Кылмыш кодексинин 32-беренесинин (“Кызмат абалынан кыянаттык менен пайдаланган”) негизинде кине тагылды.
Исаков буга чейин Бишкек ТЭЦин реконструкциялоодогу коррупцияга тийиштиги бар деп 15 жылга эркинен ажыратылган. Сот ал өкүмдөн тышкары мүлкүн конфискациялоо, Кыргызстандын ыйгарым укуктуу элчиси дипломатиялык рангынан, II даражадагы "Манас" орденинен ажыратуу чечимин чыгарган.