БИШКЕК, 9-июн. — Sputnik. Акыркы суткада Кыргызстанда коронавирустан 38 киши сакайды. Бул тууралуу саламаттык сактоо министринин орун басары Нурболот Үсөнбаев брифинг учурунда билдирди.
“Алардын 19у Бишкек шаарынын, төртөө Ош шаарынын, бири Ош облусунун, 13ү Нарын облусунун, дагы бири Жалал-Абад облусунун тургундары”, — деди Үсөнбаев.
Республика боюнча жалпы 1483 бейтап айыгып, ооруканадан чыгарылды.