БИШКЕК, 4-июн. — Sputnik. Туристтик сезондун башталышына байланыштуу Ысык-Көлдүн Чолпон-Ата шаарында вирусологиялык лаборатория ачылат. Бул тууралуу брифинг учурунда саламаттык сактоо министринин орун басары Нурболот Үсөнбаев билдирди.
"Чолпон-Атада вирусологиялык лаборатория ачуу боюнча даярдыктар жүрүп жатат. Эс алуучулар жана жергиликтүү тургундар арасында шек саноолор болсо, ошол лабораторияга анализ тапшыра алышат", — деди Үсөнбаев.
Ал кошумчалагандай, Маданият, маалымат жана туризм министрлиги менен Саламаттык сактоо министрлиги биргеликте санитардык нормалар жана башка сактык эрежелерин иштеп чыкты.
Эске салсак, Кыргызстанда 1-июндан тарта эс алуу үйлөрү, пансионаттар жана тарыхый жайлар туристтерге эшигин ачты.