БИШКЕК, 3-июн. — Sputnik. Кыргызстанда төрт жылдын ичинде үч миңге чукул жаран үйдөн чыкпай, акысыз паспорт алды. Бул тууралуу Мамлекеттик каттоо кызматынан кабарлашты.
Билдирмеге ылайык, үйдөн паспорт жасаткандардын арасында 110 жаштагы Үрбү Боромбаева бар.
Өлкөдө 3000дей жаран үйүнөн паспорт жасатты. Арасында 110 жаштагы байбиче бар
"Калкты тейлөө борборунун мобилдик тобу анын жоголуп кеткен паспортун кайра калыбына келтирүүгө жардам берген. Үрбү Боромбаева үч уул, бир кыздын апасы, 100дөн ашык небере-чөбөрөсү бар. Азыркы тапта 73 жаштагы уулунун колунда Бишкек шаарында турат", — деп айтылат маалыматта.
Мамлекеттик каттоо кызматы мындай мобилдик топтор Бишкек жана Ош шаарларында 2016-жылдан бери кызмат көрсөтүп келерин билдирди. Алар төрт жылдан бери үч миңден ашык жарандын үйүнө барып, акысыз паспорт жасап беришкен.