БИШКЕК, 1-июн. — Sputnik. Балага акча тууралуу ал кызыга баштаган кезден баштап маалымат берүү керек. Мындай кеңешин Россиянын Финансы министрлигинин финансылык сабаттуулук боюнча адиси Екатерина Лавренова бергенин РИА Новости жазды.
Адистин айтымында, көпчүлүк ата-эне бала экинчи же үчүнчү бут кийимдүү болгусу келсе же жаңы телефон аппаратын алдыргысы келсе эч нерсени түшүндүрбөй туруп эле “акча жок” деп жооп берет.
“Албетте, бала акча эмнеге ал каалаган нерсе үчүн жок экенин түшүнбөйт, таарынат. Демек ата-энеге ага бир аз убакыт бөлүп акча кайсы жакка кетип жатканын түшүндүрүшү керек. Мисалы, жашап жаткан үй кымбат болгондуктан, аны банктан карызга алганыңарды, убагында кутула албай калсаңар, үйсүз каларыңарды айтып жеткирүү керек”, — дейт адис.
“Мисалы, бала ата-энесинен же жарнамадан угуп, ипотека, насыя, депозит деген эмне деп сурашы мүмкүн. Бул учурда ата-эне азыр айтсам баары бир түшүнбөйт деп ойлобошу керек. Андан көрө өзү билбеген нерселерди окуп даярданып алып, жөнөкөй нерселерге салыштыруу түрүндө түшүндүрүп бергени жакшы”, — деди Лавренова.
Адис мындай жол менен келечекте финансылык жактан сабаттуу адам тарбияланарын айтат.