БИШКЕК, 31-май — Sputnik. Жалал-Абад шаардык кеңештин депутаты, спортчу Нурбек Акановдун бир тууган агасын атууга шектелген киши кармалды. Бул тууралуу облустук ички иштер башкармалыгынын маалымат катчысы Нурдин Жээнтаев Sputnik Кыргызстан агенттигине билдирди.
Жалал-Абаддагы депутаттын агасын атууга шектелген киши кармалды
© Фото / пресс-службе УВД Джалал-Абадской области
Буга чейин белгисиз эки адам 26-май күнү кечинде Жалал-Абаддын Манас көчөсүндө алыш күрөшү боюнча Азия чемпиону жана Жалал-Абад шаардык кеңешинин депутатынын бир тууганына ок чыгарганы кабарланган.
“30-майда Ош облусуна караштуу Кара-Суу районунун тургуну 25 жаштагы К.у.Ж. аттуу жашоочусу шектелип колго түшүрүлдү”, - деп айткан Жээнтаев.
Шектүүнү Жалал-Абад шаардык милициясы жүргүзүлгөн ыкчам иликтөө иштеринин натыйжасында Базар-Коргон районунун аймагында из жашырып жүргөн жеринен кармаган.
Жээнтаев ал адамдын буга чейин соттолгонун кошумчалады.
Шектүү учурда убактылуу кармоочу жайга киргизилди.