БИШКЕК, 29-май — Sputnik. 30-май, ишемби күнү, Чүй өрөөнүнүн тоолуу райондорунда, Ош, Жалал-Абад, Баткен, Ысык-Көл облустарынын кээ бир аймактарында жана Нарын жергесинин көпчүлүк өрөөндөрүндө өткүн өтүп, күн күркүрөшү күтүлөт. Ал эми Таласта күн ачык болот. Бул тууралуу Кыргызгидромет агенттиги билдирди.
Түндүк-чыгыштан соккон шамалдын ылдамдыгы секундасына 5-10 метрден кээ бир райондордо 15-20 метрге жетери айтылды.
Маалыматка ылайык, абанын температурасы Чүйдө +27…+32, Таласта +26…+31, Ош, Баткен, Жалал-Абад облустарында +29…+34, Ысык-Көлдө +21…+26 жана Нарында +22…+27 градус ысык болот.
Ал эми Бишкек жана Ош шаарларында жаан-чачын күтүлбөйт. Күндүн табы ордо калаада +29…+31 градуска дейре көтөрүлсө, Ошто термометрдин көрсөткүчү +32…+34 градуска чейин жетет.