БИШКЕК, 29-май — Sputnik. Баткен облусуна караштуу Лейлек районунун Жаңы-Жер айыл аймагында өрүктүн эрте бышуучу сорту толугу менен бышты. Бул тууралуу өкмөттүн Баткен облусундагы өкүлүнүн маалымат кызматы кабарлады.
Ага ылайык, багбандар өрүктүн алгачкы түшүмүн жыйнап, сатыкка чыгарууда.
Жаңы-Жер айыл аймагы деңиз деңгээлинен 400 метр төмөн жайгашкандыктан, климаты ысык келип, жер-жемиш эрте бышары белгиленет.
Ал эми Баткен облусунда жалпы 8 миң гектар жерде өрүк багы бар. Андан жыл сайын 100 миң тонна өрүк жыйнап алынат. Анын 20 пайызы гана жергиликтүү кайра иштетүүчү ишканаларда иштетилсе, 80 пайызы чет мамлекеттерге сатылат.