Тасма промоутерлик компаниянын расмий YouTube-каналына жарыяланды.
Роликтин башында уюмдун тарыхында эң аз убакытта нокаут менен жеңишке жеткен мушкер Хорхе Масвидалдын беттеши көрсөтүлөт. Ал былтыр атаандашы Бен Аскренди секирип келип тизеси менен башка тээп, беш секунданын ичинде уткан. Буга чейин эң ыкчам нокаут 1996-жылы катталып, мушкерлердин кармашы сегиз секундага гана созулган.
Кыздардан Ронда Роузи 14 секунданын ичинде атаандашы Кэт Зинганонун колун кайрып утуп алган. Роузи UFC уюмунда чемпиондук курду тагынган алгачкы аял мушкер. Анын арты менен көп кыз-келиндер аралаш мушташка келгени айтылат. Соңку эки беттешинде нокаут менен утулгандыктан, карьерасын жыйынтыктаган.
Мындан сырткары уюмдун учурдагы жана экс-мушкерлеринин ар кандай ыкмалар менен ыкчам убакытта жеңишке жеткенин көрө аласыздар.