БИШКЕК, 25-май — Sputnik. Эртең, 26-майда, Ысык-Көл жана Баткен облустарынын тоолуу райондорунда өткүн өтүп, күн күркүрөшү күтүлөт. Калган аймактарда күн ачык болорун Кыргызгидромет агенттиги билдирди.
Абанын температурасы Чүйдө +30…+35, Таласта +29…+34, Ош, Баткен, Жалал-Абад облустарында +31…+36, Ысык-Көлдө +23…+28 жана Нарында +26…+31 градуска чыгат.
Ал эми Бишкек шаарында күндүн табы +32…+34 градус, Ош калаасында +34…+36 градус болот.