БИШКЕК, 25-май — Sputnik. Жогорку Кеңештин мурдагы төрагасы, коомдук ишмер Мукар Чолпонбаевдин сөөгү бүгүн “Ала-Арча” көрүстөнүндө жерге берилди. Бул тууралуу Sputnik агенттигине маркумдун кызы Нуриля Чолпонбаева тастыктады.
“Атамды акыркы сапарга узатуу иш-чарасына парламент төрагасы Дастан Жумабеков, президенттик администрациянын жетекчиси Досалы Эсеналиев жана президенттин Жогорку Кеңештеги ыйгарым укуктуу өкүлү Курманбек Дыйканбаев келди. Чакан митинг-реквием өттү. Атам тууралуу жакшы сөздөр айтылды”, — деди Чолпонбаева.
Ошондой эле ал иш-чарага туугандар жана Чолпонбаевдин жакын достору катышканын кошумчалады.
Ал 2020-жылдын 24-майында 70 жаш курагында дүйнө салды. Экс-спикер коронавирус жуктуруп, инфекция анын бир топ ооруларын козгогон.