БИШКЕК, 24-май — Sputnik. UFC уюму жеңил салмакта чемпион болууга мурда ат салышкан Кэтлин Чукагян менен кыргызстандык Антонина Шевченконун беттеши тууралуу расмий билдирүү жасап, UFC on ESPN 9 мелдешинде күч сынаша тургандардын толук тизмесин берди.
Эске салсак, Чукагян буга чейин, тагыраагы, ушул жылдын февраль айында Хьюстондо өткөн UFC 247 мелдешинде азыркы атаандашынын сиңдиси Валентина Шевченкого утулуп калган.
Чукагян UFC тарыхында катары менен эже-сиңди Шевченколорго таймашка чыккан биринчи спортчу.
Маалыматка карганда, күтүлүп жаткан мелдештин негизги мушташтары Тайрон Вудли менен Гилберт Бернс жана Благим Иванов менен Аугусто Сакаинин ортосунда болот.
Мелдеш 30-майда Лас-Вегас шаарында өтмөкчү.