БИШКЕК, 21-май — Sputnik. Жогорку Кеңешке "Өнүгүү-Прогресс" фракциясынан Исхак Масалиевдин ордуна Нургазы Айдаров келиши ыктымал.
Мындай маалымат БШКнын "Өнүгүү-Прогресс" партиясынан депутаттыкка талапкерлер деген бөлүктө жарыяланган.
Парламентке 2015-жылы келген Исхак Масалиев, бүгүн, 21-майда, Жогорку Кеңештин жыйынында атайын сөз алып сүйлөп, депутаттык мандатын 25-майда тапшыра турганын айтты.
Нургазы Айдаров Жогорку Кеңештин IV чакырылышына "Ак жол" партиясынын, ал эми V чакырылышка "Ата-Журт" партиясынын атынан келген.