БИШКЕК, 18-май — Sputnik. Кыргызстанда бүгүн 78 кишиден коронавирус табылганын брифингде саламаттык сактоо министринин орун басары Нурболот Үсөнбаев билдирди.
Бишкек шаарында үчөө, аларга Санкт-Петербургдан келип коронавируска кабылганы аныкталган үч киши кошулду. Мындан сырткары, Чүй облусунда үч кишиден башка Соль-Илецк шаарынан келген 43 адамдан вирус аныкталган. Нарында 14, Ош шаарында беш, Ош облусунда алты, Жалал-Абад облусунда бир кишиден чыкты.
Ушуну менен республика боюнча 1216 киши коронавируска кабылганы белгилүү болду.
Ушу тапта өлкө аймагында абал кандай болуп жатканын Sputnik жүргүзгөн тексттик трансляциядан билүүгө болот.