БИШКЕК, 17-май — Sputnik. Бүгүн, 17-майда, Москва — Бишкек чартердик каттамы менен 378 кыргызстандык өлкөгө кайтарылды. Бул тууралуу Республикалык штаб билдирди.
Көбү бейтап. Бүгүн Москвадан 400дөй кыргызстандык учуп келди
© Фото / Республиканский штаб КР по борьбе с COVID-19
Ага ылайык, мекендештерди "Аэрофлот" авиакомпаниясы алып келди.
Буга чейин Кыргызстандын Россиядагы элчилиги өлкөгө жөнөтүлгөндөрдүн арасында бейтаптар, майыптар, кош бойлуулар бар экендигин билдирген.
Буга чейин 12-майда Россиядагы КРдин элчилигинин имаратынын алдына кыргызстандыктар чогулуп, нааразылыгын билдирген. Алар Москвадан Кыргызстанга алып кетүү талабын коюшкан. 14-майда Москвадан 147 кыргызстандык мекенге кайтарылган болчу.