БИШКЕК, 13-май — Sputnik. Ат-Башы районунда "Муктаждарга төрт түлүк" аттуу акциянын арты менен райондо аз камсыз жашаган 11 үй-бүлө малдуу болду. Бул тууралуу Ат-Башынын акими Нурбек Сатаров билдирди.
Анын айтымында, бул демилгени алгач өзү баштаган. Андан кийин жергиликтүү ишкерлер, жөнөкөй жарандар колдоп берген.
"Азыр көпчүлүгү эле гумжардам катары тамак-аш таратып жатат. Бирок азык-түлүк бат эле түгөнөт экен. Мындан улам биздин район муктаждарга мал берүүнү баштадык. Алгач райондун социалдык коргоо башкармалыгы сунуштаган аз камсыз бир үй-бүлөгө айлыгыман беш кой алып бердим. Андан кийин бул демилге уланып кетти. Бүгүнкү күндө 11 үй-бүлөгө 50 кой, бир тай берилди. Башкача айтканда, бир бүлөгө бештен кой тийди", — деди Сатаров.
Аким райондо акция азыркы учурда да уланып жатканын кошумчалады.