БИШКЕК, 12-май — Sputnik. 14-майдан 17-майга чейин күтүлүп жаткан нөшөрлүү жаан-чачынга байланыштуу өлкөнүн тоолуу аймактарында сел жүрүшү мүмкүн. Бул тууралуу ӨКМдин маалымат кызматы кабарлады.
Алдын ала билдирүүлөр боюнча, 13-майда өлкөнүн көпчүлүк аймактарында күн ачык болуп, жаан 14-майда күндүз башталат.
15-майда Кыргызстандын дээрлик бардык облустарында нөшөрлөп жаан жаайт.
16-майда Ош, Жалал-Абад, Баткен, Талас облустарында күн ачылса, Чүйдө өткүн өтөт. Бишкек шаарында жана Ысык-Көл облустарында жаан жаайт деп божомолдонууда. Нарын облусунун тоолуу аймактарында кар жаашы ыктымал.
Бул күнү Ысык-Көлдө батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетиши күтүлүүдө.
17-майда да күн бүркөк болуп, жаан жаайт.