БИШКЕК, 11-май — Sputnik. Коронавирус пандемиясынан улам Россия-кыргыз өнүктүрүү фонду үчүнчү антикризистик план түзүп чыкканын билдирди.
Биринчиси — айыл чарбаны колдоо максатында сүт, эт азыктарын жана аквакультураны өнүктүрүүгө багытталган жеңилдетилген насыялар берилет.
Экинчиси — өлкөнүн алыскы аймактарында ишкерлерди колдоо максатында Талас, Баткен жана Нарын жерлеринде минималдуу босого 200 миң доллардан 100 миңге түшүрүлдү.
Үчүнчүсү — COVID-19 менен күрөшүү багытында иш алып барган ишканаларга жеңилдетилген насыя берилет. Алар жеке коргонуу жана гигиена каражаттарын, медициналык шаймандарды же гигиена заттарын өндүргөн ишканалар.