БИШКЕК, 8-май — Sputnik. Бишкектеги Жибек Жолу проспекти менен Панфилов көчөсүнүн кесилишиндеги кафеден өрт чыкты. Бул тууралуу ӨКМдин маалымат кызматы билдирди.
Ага ылайык, өрт өчүрүүгө саат 10.17де эки унаа жөнөп кеткен. Ал эми 10.38де чектөөгө алынган.
"Кызматкерлердин аракети менен өрт жакын жайгашкан турак жайларга жайылган жок. Алдын ала маалыматтарга ылайык, тутануунун масштабы 250 чарчы метрди түзөт. Кафе тез күйүүчү материалдардан курулганы белгилүү болду. Коңшуларынын жана күбөлөрдүн айтымында, кафе иштебей турган", — деп билдирди ӨКМ.
Кырсыктын видеосу Instagram тармагындагы Oppa баракчасына жүктөлдү.
ӨКМ кырсыктан көз жумгандар жана жабыркагандар жок экендигин кошумчалады.