БИШКЕК, 5-май — Sputnik. Бишкекте бүгүн, 5-майда, автоунаа өрттөндү. Окуянын видеосу "Короче" Telegram каналына жүктөлдү.
ӨКМдин билдиргенине караганда, саат 10:35те Жал-15 кичи районунда өрт чыккандыгы тууралуу маалымат түшкөн. Жерине өрт өчүрүүчү бир бригада барып, тилсиз жоо толугу менен саат 11:05те өчүрүлгөн.
ИИМдин Адистештирилген мамлекеттик күзөт башкы башкармалыгынан билдиришкендей, № 68 колго түшүрүү кызматы Volkswagen автоунаасы күйүп жатканын көрүп калган. Алар ошол замат жалындаган автокөлүктү өчүрүүгө киришкен.