БИШКЕК, 1-май — Sputnik. Ушул тапта республиканын бардык ооруканаларында коронавиурс жуктурган 244 бейтап дарыланып жатканын Коомдук саламаттык сактоо башкармалыгынын жетекчиси Айнура Акматова брифинг учурунда билдирди.
Анын айтымында, 11 кишинин абалы оор, анын бешөө жандандыруу бөлүмүндө. Ошондой эле 41 кишинин абалы салыштырмалуу оор. Ал эми 192 кишинин абалы канааттандырарлык деп бааланууда.
Мындан тышкары, бир сутка ичинде 42 адам айыгып чыкса, дагы 10 киши вируска кабылды.
Өлкө аймагы боюнча COVID-19 аныкталган 756 учур катталып, анын 504ү айыгып чыкты. Вирус сегиз кишинин өмүрүн алды.