БИШКЕК, 29-апр. — Sputnik. Кыргызстанда бир сутка ичинде дагы 21 бейтап айыгып чыкты. Бул тууралуу Коомдук саламаттык сактоо башкармалыгынын жетекчиси Айнура Акматова маалымат жыйында билдирди.
Анын айтымында, өлкөдө коронавирустан айыккандардын жалпы саны 437 болду.
"Бир суткада айыккандардын тогузу Бишкектен, үчөө Ош шаарынан, бирөө Ош облусунан, үчөө Жалал-Абад облусунан, бешөө Нарындан. Кайрадан алынган анализдери таза чыкты", — деди Акматова.
Кыргызстанда коронавирус жуктуруп алгандардын саны 729га жетти. Анын ичинен 437си айыкса, сегизи каза болгон.
Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.
Sputnik редакциясы карантин учурунда ар тараптан жардам бере турган кызматтардын ишеним телефондорун жана облустардагы комендатура, штабдардын номерлерин жарыялаган.
Кабарларды ыкчам, ыңгайлуу шартта окуу үчүн Telegram каналыбызга баш багыңыз.