БИШКЕК, 29-апр — Sputnik. ЕЭК коллегиясы 28-апрель күнү Кыргызстан үчүн бир катар товарлардын бажы коюмун былтыркы көлөмдө калтырды. Бул төлөм Бирдиктүү бажы тарифинен айырмаланып турарын Евразиялык экономикалык комиссиянын маалымат кызматы кабарлады.
Мында бул принципиалдуу чечимдер 2019 жана 2020-жылдары Жогорку Евразиялык экономикалык кеңеш менен ЕЭК Кеңешинин жыйындарында кабыл алынганы белгиленет. Эл аралык макулдашууларга 14-апрелде кол коюлган болчу.
“Продукциянын бир катар түрү үчүн быйылкы жылга былтыр иштеп келген пошлиналар өзгөрбөй турган болду”, — деп айтылат маалыматта.
2020-жылы пошлина коюмунун 2019-жылдагыдай көлөмү дары-дармек каражаттары, кара жана түстүү металлдан жасалган буюм-тайымдарга тиешелүү болмокчу.