БИШКЕК, 29-апр. — Sputnik. Кыргызстанда 1-майдан тарта такси кызматы иштей баштайт. Бул тууралуу вице-премьер Эркин Асрандиев маалымат жыйын учурунда айтты.
Эске салсак, Бишкек, Ош, Жалал-Абад шаарлары менен Ат-Башы районунда өзгөчө абал режимин 10-майга чейин узартуу боюнча президенттин Жарлыгы чыккан.
Бирок үч этап менен ишканалар, тейлөө кызматтары акырындап иштеп баштай турганы айтылган.
"1-майдан тарта такси кызматы иштей баштайт. Бирок алар унаасын дезинфекциялап, санитардык эрежелерди сактап, унаасына экиден ашык жүргүнчүнү салбашы керек", — деди Асрандиев.
Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.
Sputnik редакциясы карантин учурунда ар тараптан жардам бере турган кызматтардын ишеним телефондорун жана облустардагы комендатура, штабдардын номерлерин жарыялаган.
Кабарларды ыкчам, ыңгайлуу шартта окуу үчүн Telegram каналыбызга баш багыңыз.