БИШКЕК, 22-апр. — Sputnik. Акын Элмирбек Иманалиевдин сөөгү “Ала-Арча” көрүстөнүндө жерге берилди.
Маркумду акыркы сапарга узатуу зыйнаты Бишкектин Тунгуч кичи районундагы өз үйүндө өтүп, ага президенттин кеңешчиси Султан Раев баштаган жетекчилер катышты.
Төкмө акын 20-апрель күнү кечинде ооруканага түшкөндөн кийин көз жумган. Ал кант диабети оорусу менен жабыркап жүргөн.
42 жаштагы акындын артында үч уул, үч кызы калды, эки небереси калды.