БИШКЕК, 18-апр. — Sputnik. Кыргызстандын аймагында магнитудасы 4,6га жеткен жер титирөө катталды. Бул тууралуу Европалык жер ортолук сейсмологиялык борбордон билдиришти.
Маалыматка караганда, жер силкинүүнүн очогу Ысык-Көлдүн батыш тарабындагы тоолуу аймактарда саат 17:30да сезилген. Ал эми анын очогу Кеминден түштүктү карай 39 чакырым, Бишкектен түштүк-чыгышты карай 104 чакырым алыстыкта жайгашкан.
ӨКМ азырынча жер титирөө боюнча маалымат бере элек. Ал эми соцтармактын колдонуучулары Нарын облусуна караштуу Кочкор районунда жер силкингенин жазышты.