БИШКЕК, 15-апр. — Sputnik. Россия президенти Владимир Путин коронавирус пандемиясы учурунда экономика менен бизнеске колдоо көрсөтүү боюнча өкмөткө бир катар чараларды сунуштап, видеоконференция өткөрдү.
Мамлекет башчы өнөр жай товарларын чекене баада саткан, көбүрөөк жапа чеккен компанияларды тизмеге кошууга көрсөтмө берди.
Путин мындан сырткары төмөнкүлөрдү сунуштады:
Орто жана чакан бизнеске мамлекеттин эсебинен минималдуу айлыктын көлөмүндө кайтарымсыз түз жардамды алууга мүмкүнчүлүк берүүнү сунуш кылды. Анда кызматкердин бир айлык акысы иш ордун сактоо менен штаттык эсепте 1-апрелге берилери айтылган. Штат 90 пайыздан кем эмес деңгээлде болушу кажет.
Так болгон параметрлердин негизинде системаны түзгөн ишканалардын тизмесин каттап чыгуу. Алар үчүн айлантуудагы акчасын толуктоого насыяларды кароо. Субсидия Борбордук банктын маанилүү делген ставкасынын көлөмүндө болушу керек.
23 миллиард рублден ашык каражатты авиация тармагына бөлүү.
Айлык акы менен ала турган насыялардын 75 пайыздан кем эмесин Тышкы экономикалык банктын кепилдиги менен камсыздоо. Бул коммерциялык банктардын тобокелдигин азайтып, анын жеткиликтүүлүгүн жогорулатуу максатында жасалат. Бул насыяларды экономика секторунда жапа чеккен орто жана ири ишканаларга таратуу.
Президент аны менен катар эле 16-апрелде курулуш, андан соң авиа өнөр жайы, авто өнөр жайы жана башка дагы бир топ тармактар боюнча кеңешме өткөрө тургандыгын айтты.
Акыркы маалыматтар боюнча, 15-апрелге карата Россияда COVID-19 жуктургандар 24 миңден ашса, алардын 2000и айыгып чыкты. Ал эми 198 адам көз жумду. Медиктер 1,5 миллиондон ашуун адамга коронавирусту аныктоо боюнча тест жасады.