БИШКЕК, 14-апр. — Sputnik. Жогорку Евразия экономикалык кеңешинин мүчөлөрү видеоконференция форматында сүйлөшүүлөрдү өткөрүп жатышат. Бул тууралуу Кремлдин сайтына жарыяланды.
Жыйын коронавирус менен күрөшүү жана Евразия экономикалык биримдигине мүчө мамлекеттердин экономикалык туруктуулугун колдоого багытталган.
Жыйынга Белоруссия, Казакстан, Кыргызстан жана Россиянын президенттери, Армениянын премьер-министри катышууда. Иш-чаранын жыйынтыгында биргелешкен билдирүү жасалат.
Өткөн жумада ушундай эле видеоконференция форматында ЕАЭБ мамлекеттеринин премьер-министрлеринин жыйыны болуп өткөн. Анда эмне тууралуу кеп болгонун материалдардан окусаңыздар болот.