БИШКЕК, 12-апр. — Sputnik. Улуу Британия Кыргызстандын жарандарынын виза мөөнөтүн узартты. Бул туурасында Республикалык штаб ТИМге шилтеме берип жазды.
Ага ылайык, мындай кадамга Британия эл аралык авиакаттамдардын токтотулгандыгына байланыштуу барган.
Буга чейин тышкы иштер министринин биринчи орун басары Нуран Ниязалиев чет өлкөдөгү кыргызстандыктарды азырынча мекенге алып келүү мүмкүн эместигин билдирген. Анын айтымында, азыркы тапта көп мамлекеттер кыймылга чектөө коюшту. Мындан улам туруктуу жана чартердик авиакаттамдарды уюштуруу азыркы учурда мүмкүн эмес.